విద్య-పరిమిత, విస్తృత అర్థాలు (Narrow and broader Meaning of education)
- విద్య అనేది ఏకరూప వివరణ ఇవ్వలేనిది. విద్య చాలా విస్తృతమైన పరిధిని కలిగిఉందని చెప్పవచ్చు.
- విద్య అంటే విద్యార్థి పాఠశాలలో నేర్చుకునే జ్ఞావంగా లేదా జీవితానుభవాల వల్ల కలిగే జ్ఞాన వికాసంగా నిర్వచించవచ్చు.
- ఇలా విద్య సంకుచిత విస్తృత అర్థాలను కలిగిఉంది. పాఠశాల వ్యవస్థ ద్వారా నేర్చుకొనే అంశాలు సంకుచితంగాను, వీటితోపాటు జీవితానుభవాలను జోడించి నేర్చుకొనే జ్ఞానాన్ని విస్తృతంగాను చెప్పవచ్చు.
పరిమితార్ధం(Narrow Meaning of Education)
- పరిమితార్థంలో విద్య అంటే వ్యక్తి అభివృద్ధి.
- పాఠశాలలో ఏర్పాటు చేసిన కొన్ని అంశాలు, కార్యక్రమాల ప్రభావాల ఫలితం.
- క్రమబద్ధమైన విద్యావిధానం కేవలం 3R's (Reading, writing and Arithmetic) కు మాత్రమే పరిమితమై పట్టాలు పొందడానికి ఉపయుక్తమైంది.
విద్య యొక్క విస్తృతార్థం(Border Meaning of Education)
- విస్తృతార్థంలో విద్య అంటే కేవలం 3R's చదవటం (Reading), రాయటం (Writing) లెక్కించటం (Arithmetic) మాత్రమే కాదు, జీవితమే విద్య, ఇది ఒక నిరంతర ప్రక్రియ.
- ఇది తల్లి గర్భం నుంచి మృత్యువు (womb to tomb) వరకు సాగుతూనే ఉంటుంది.
- విద్య మానవ జీవితంలో జరిగే అవిరామ కృషి, విస్తృతార్తంలో ప్రతి అనుభవం విద్యాపరమైన విలువ కలిగి మానవుడి ప్రవర్తనను పరిస్థితులకు అనుగుణంగా ఎప్పటికప్పుడు మార్పు చేయుటకు ఉపయోగపడుతుంది. అపరిమితమైనదేకాకుండా సంపూర్ణ మూర్తిమత్వాభివృద్ధికి తోడ్పడుతుంది.
- విశ్వమానవుణ్ణి తయారు చేస్తుంది.