తెలంగాణ రాష్ట్రం - విస్తీర్ణం(Area of Telangana State)

తెలంగాణ రాష్ట్రం - విస్తీర్ణం(Area of Telangana State)

• తెలంగాణ రాష్ట్రం 15°50' నుండి 19°51' ఉత్తర అక్షాంశాల మధ్య, 77°15′ నుండి 81°19' తూర్పు రేఖాంశాల మధ్య విస్తరించి ఉన్నది. తెలంగాణ రాష్ట్ర విస్తీర్ణం 1,12,077 చ.కి.మీ. (ఖమ్మంలో 7 మండలాలు ఆంధ్రప్రదేశ్లో కలిసిన తర్వాత). ఇది దేశంలో అతిపెద్ద విస్తీర్ణం కలిగిన రాష్ట్రాలలో 11వ స్థానంలో ఉన్నది.
• ఇది భారతదేశ భౌగోళిక విస్తీర్ణంలో 3.41% కల్గి ఉంది.
• నాటి ఖమ్మంజిల్లాలోని 5 మండలాలను పూర్తిగా, 2 మండలాలను పాక్షికంగా ఆంధ్రప్రదేశ్లో కలపబడింది.
• తెలంగాణ రాష్ట్ర రాజధాని “హైదరాబాద్”.
• తెలంగాణ రాష్ట్రం ఏర్పడినప్పుడు జిల్లాలు 10. 2016 అక్టోబర్ 11న ఏర్పాటు చేసిన జిల్లాలు 21. 2019 ఫిబ్రవరి 17న ఏర్పాటు చేసిన జిల్లాలు 2 మొత్తం 33 (10 + 21 + 2)
• ప్రస్తుతం తెలంగాణ జిల్లా సగటు విస్తీర్ణం (3608 చ.కి.మీ)లో 15వ స్థానంలో, జిల్లా సగటు జనాభాలో (10.3 లక్షలు) 17వ స్థానంలో ఉంది.
• అత్యధిక జిల్లాల సంఖ్యలో తెలంగాణ రాష్ట్రం 9వ స్థానంలో ఉంది.
• దేశంలో అత్యల్ప జిల్లా మరియు మండల జనాభా కల్గిన రాష్ట్రం - తెలంగాణ
• రాష్ట్రంలో సగటు జిల్లా జనాభా 11.5 లక్షలు. ఇది 80% రాష్ట్రాలలో 14.5 లక్షలుగా ఉంది.
• రాష్ట్రంలో సగటు మండల జనాభా 63,600. దేశంలో 6 రాష్ట్రాలలో మాత్రమే బ్లాక్ స్థాయిలో సగటు జనాభా తెలంగాణ కంటే తక్కువగా ఉంది.