ప్రపంచ కంప్యూటర్ అక్షరాస్యత దినోత్సవం | World Computer Literacy Day
VINAYS INFO
ప్రపంచ కంప్యూటర్ అక్షరాస్యత దినోత్సవం - డిసెంబర్ 2
ఉద్దేశ్యం:
- కంప్యూటర్ మరియు ఎలక్ట్రానిక్ పరికరాల గురించి అవగాహన పెంచడం ప్రపంచ కంప్యూటర్ అక్షరాస్యత దినోత్సవం (World Computer Literacy Day) యొక్క ముఖ్య ఉద్దేశ్యం.
చరిత్ర:
- దిల్లీకి చెందిన రాజేంద్ర ఎస్.పవార్, విజయ్ కె.తడని లు IIT Delhiలో ఇంజినీరింగ్ పూర్తి చేశారు.
- 1981లోనే రానున్న కాలంలో కంప్యూటర్లే ప్రపంచాన్ని శాసిస్తాయనే విషయాన్ని గుర్తించి...కంప్యూటర్ వినియోగం నేర్పించేందుకు NIIT(National Institute of Information Technology) అనే సంస్థను నెలకొల్పారు. 1981 డిసెంబర్ 2న డిల్లీలోనే మొదటి శాఖను ప్రారంభించారు.
- దీని ద్వారా విద్యార్థులకు కంప్యూటర్ శిక్షణ నివ్వటం ప్రారంభించారు. 2000 నాటికి ప్రపంచంలోని 40 దేశాల్లో రెండు వేల శాఖలు విస్తరించారు.
- 2001లో NIIT తన 20వ వార్షికోత్సవం సందర్భంగా ప్రపంచ కంప్యూటర్ అక్షరాస్యత దినోత్సవాన్ని ప్రారంభించింది.
- ఈ క్రమంలో 2001 డిసెంబరు 2న ఒకే రోజు ప్రపంచ వ్యాప్తంగా లక్ష మందికి కంప్యూటర్ శిక్షణనిచ్చారు. అదే రోజును ప్రపంచ కంప్యూటర్ అక్షరాస్యత దినోత్సవంగా ప్రపంచం గుర్తించింది.
ఇతర అంశాలు:
- దేశంలో 100 శాతం కంప్యూటర్ అక్షరాస్యత సాదించిన తొలి గ్రామం - చామ్రవట్టం (కేరళ)
- భారత దేశంలో కంప్యూటర్ అక్షరాస్యత కేవలం 6.5%.
- అందరికి కంప్యూటర్ విద్య అందించాలనే లక్ష్యంతో ఉమ్మడి ఆంద్రప్రదేశ్ రాష్ట్ర ప్రభుత్వం 2002లో ప్రభుత్వ బడుల్లో కంప్యూటర్ శిక్షణను ప్రవేశ పెట్టింది. 2008 నుంచి కంప్యూటర్ విద్యను NIIT ద్వారా పూర్తిగా ఆధునీకరించింది.