డ్వాక్రా పథకం | DWAKRA Scheme

-గ్రామీణ ప్రాంతాల్లో మహిళలు, చిన్నారులపై లింగ వివక్షను నిర్మూలించి, వారిని అభివృద్ధి చేయడానికి డ్వాక్రా(డెవలప్‌మెంట్ ఆఫ్ ఉమెన్ అండ్ చిల్డ్రన్ ఇన్ రూరల్ ఏరియాస్) కార్యక్రమాన్ని ప్రారంభించారు.
-ఈ పథకాన్ని 1982లో అమల్లోకి తెచ్చారు. మొదటగా దీన్ని దేశవ్యాప్తంగా పైలట్ ప్రాజెక్టుగా 50 జిల్లాల్లో ప్రారంభించారు. ఆ తర్వాత దేశంలోని అన్ని జిల్లాలకు విస్తరించారు.
-డ్వాక్రా పథకం ముఖ్యోద్దేశం మహిళల జీవన పరిస్థితులను మెరుగుపరచడం, తద్వారా పిల్లల ప్రాథమిక సామాజిక సేవలకు స్వయం ఉపాధి కల్పించడం.
-డ్వాక్రా గ్రూపు మహిళలకు సంబంధిత రంగాల్లో శిక్షణ ఇచ్చి స్వయం ఉపాధి కల్పించి రుణ సౌకర్యం ఏర్పర్చ డం ద్వారా వారికి జీవనోపాధి కల్పించడమే కాకుండా వారిలో మానసిక ైస్థెర్యాన్ని నింపడమే లక్ష్యంగా అమల్లోకి తెచ్చారు.
-గ్రూపులుగా ఏర్పర్చి సమూహంగా కార్యకలాపాలు నిర్వహించడం ద్వారా సంఘంలో వారి ప్రతిష్ట పెరగడమే కాకుండాగ్రామీణ మహిళల్లో పొదుపు పెరుగుతుంది. తద్వారా దేశం కూడా అభివృద్ధి చెందుతుంది.
-డ్వాక్రా గ్రూపుల ద్వారా మహిళల వ్యక్తిగత ఆదాయం పెరగడమే కాకుండా కుటుంబాల కనీస అవసరాలు తీరి సంఘంలో వారి స్థానం సుస్థిరమవుతుంది.
-ఈ పథకం ప్రారంభించినప్పటి నుంచి 1996-97 వరకు 1,87,918 డ్వాక్రా గ్రూపులు, 30,39,383 గ్రామీణ మహిళలకు రూ. 248.95 కోట్లు ఖర్చు చేశారు.
-8వ ప్రణాళికలో భాగంగా డ్వాక్రా కార్యక్రమాన్ని బలోపేతం చేయడానికి అనేక చర్యలు చేపట్టారు. కార్యక్రమాన్ని దేశంలోని అన్ని జిల్లాలకు విస్తరించారు. మారుమూల ప్రాంతాల్లో కూడా చిన్న చిన్న సమూహాలను ఏర్పాటు చేశారు. రివాల్వింగ్ ఫండ్‌ను రూ. 15,000 నుంచి రూ. 25,000 పెంచారు.